Haldið þið að það hafi ekki komið vírus AFTUR í nýju tölvuna mína í vinnunni. Hvers á ég að gjalda? Já! vírus númer tvö á þremur dögum. Vírus á fyrsta degi og vírus á þriðja degi. Strákurinn úr tölvudeildinni hjá Vodaofone sagðis aldrei hafa séð jafn skæðan vírus á ævi sinni. He he . Já ég og tölvur. Ég hélt reyndar að þetta væri liðin tíð. Þetta hefur gengið svo vel síðustu árin, en þetta er að taka sig upp aftur.
Annars líst mér bara rosalega vel á nýju vinnuna, fólkið og staðinn. Fór á nýliðanámskeið í gær. Við vorum tvö þar ný komin frá Símanum.  Strákarnir sem ég vinn með eru voða fínir og almennilegir og vilja allt fyrir mig gera. Ég held að mér eigi eftir að líða voða vel þarna. Allir sem ég tala við þarna eru ánægðir með móralinn í fyrirtækinu.
Ég og Eyrún vinkona hittumst á Pizza Hut í gær eftir vinnu, bara svona til að hittast aðeins. En það endaði með því að við sátum í 4 klukkutíma og spjölluðum. En það var voða gaman. Alltaf gaman að spjalla við Eyrúnu, hún er svo hress.
Ég keypti fyrsta jólaskrautið í ár í gær. Ég ætlaði nú ekkert að kaupa neitt jólaskraut því við eigum nóg af svoleiðis dóti. En ég sá þetta og féll alveg fyrir því og keypti það bara. Þetta eru svona eins og greinalengjur með rauðum kúlum og glærum og hvítum steinum. Æ, þið sjáið það bara hjá mér um jólin. Þegar ég var á kassanum að borga þá sagði einhver maður fyrir aftan mig. Hva! Eru komin jól hjá þér? Dö  JÁ. Ég spurði hann nú bara hvort hann væri ekki búinn að taka eftir öllu jólaskrautinu sem væri til sölu þarna.
Já það eru sko að koma jól hjá mér. Jólahugurinn kraumar þarna undir niðri og bíður þess að ég verði búin í skólanum og geti farið að huga að jólunum. Ég er nú aðeins byrjuð, keypti jólapiparkökur um daginn og er farin að kaupa malt og appelsín.  En nú ætla ég að fara að læra. Er að fara í enskupróf á mánudaginn.
Sunna var að biðja mig um að setja myndir inn á síðuna. Ég geri það einhvern tímann þegar ég má vera að því. Ja, kannski skelli ég nokkrum inn í dag. Ég sé til.

Bloggið verður mjög stutt í dag því ég þarf að læra fyrir spænskupróf. Er ekki búin að læra neitt fyrir það og það er í fyrramálið klukkan 8:25. Munnlegt próf í þokkabót. Verður tekið til heiðurs Sunnu, sem er búin með marga spænskuáfanga en getur ekki komið einu spænsku orði klakklaust út úr sér. He he he. Greyið.  Bara ef hún væri nú jafn gáfuð og vel upplýst og stóra frænka sína...........ohhhhh.........hvað hún væri þá heppin.
Fyrsti dagurinn hjá Vodafone var í dag. Fékk nýtt símanúmer og nýtt netfang sem ég verð að senda á alla. Síðan fékk ég að velja mér GSM síma, og auðvitað valdi ég eins flottan síma og ég gat. Einhver Nokia samlokusími með myndavél. Síðan fékk ég þessa fínu fartölvu. En starfsferill minn og tölvunnar byrjaði ekki á betri leið en það að það kom strax vírus í hana  og það var ekki nokkur möguleiki að koma henni í lag. Það voru tveir menn að vinna í því í allan dag og það endaði með því að tölvudeildin tók hana og ætlaði að vinna í henni í kvöld og nótt. He he he. Fall er fararheill.
Jæja, best að fara að læra fyrir prófið. Adiós.

Jæja, þá er ég hætt að vinna hjá Símanum, eftir 11 ára starfsaldur. Reynar með smá hléum á meðan ég var í skólanum. Á morgun er svo fyrsti dagurinn minn hjá Vodafone. Þótt furðulegt sé þá finnst mér ekkert eins og ég hafi verið að hætta. Ég á eftir að vera í svo miklul sambandi við marga félaga mína hjá Símanum í gegnum nýju vinnuna svo ég finn ekki eins mikið fyrir því að ég sé að missa samband við fólkið.  Sem er mjög gott því þau eru það sem ég á eftir að sakna mest. Ég ætlaði einmitt að hafa kveðjukaffi svona bara fyrir alla sem vildu koma og kveðja mig en sá að það er ansi mikill fjöldi af fólki sem ég þekki hjá fyrirtækinu eftir allan þennan tíma. Ég ákvað því að skera það niður í bara svona þá sem ég þekki best og vildi endilega kveðja. Úff........það leit heldur ekki vel út. Því þegar ég var búin að tína þá út þá stóð talan í 102.  Ég sá fram á að ég stæði í eldhúsinu við bakstur í marga daga eða yrði að borga svimandi upphæð í bakaríi. Svo það féll um sjálft sig. Svo nú er ég búin að ákveða að halda bara partý fyrir bestu vini mína í fyrirtækinu og þá stendur talan í rúmlega 40. Við stelpurnar fórum síðan út að borða í hádeginu í dag.
Jæja, svo er nýji sumarbústaðurinn okkar kominn upp í sveit. Við erum sem sagt ný búin að kaupa lítinn sumarbústað. Stebbi og pabbi hans fóru í gærkvöldi til að flytja hann upp í Grímsnes. Það þurfti að gera í lögreglufylgd í nótt. Bústaðurinn var skilinn eftir hjá Jóni í Kringlu og verður fluttur upp í landið okkar þegar búið verður að gera klárt fyrir hann. Þetta land er stoltið hans Stebba, 13 hektarar og Stebbi er meira að segja búinn að eignast tvo traktora sem notaðir eru á landinu.
Fjölskyldan eignaðist þetta land á þann hátt að Stebbi og pabbi hans girtu alls 13 lönd og bjuggu til vegi fyrir þau og fengu að launum eitt stærsta landið fyrir. Við eigum þetta með foreldrum hans og tveimur systrum og er þetta ætlað til sumarbústaðarnota. Það er alltaf verið að  vinna í því annað slagið að gera þetta flott til að vera þarna. Bústaðurinn sem við keyptum núna er bara 25 fermetrar og svo á að byggja stærri bústað seinna. Í lögum segir að það megi hafa allt að 200 fermetra bústað í hverju landi og 25 fermetra gestahús. Þess vegna var ekki keyptur stærri bústaður núna. Ef hann hefði verið stærri þá hefðum við ekki mátt byggja annað hús þarna. Skrítin lög. En það er nú hjólhýsi líka í landinu sem við keyptum og svo erum við með tjaldvagn og Inga Dís og Pétur með fellihýsi svo þetta dugar nú alveg í bili.

Hæ hæ elskurnar mínar. Ég veit að ég er ekki að standa mig í þessu bloggi................. En ég man núna af hverju ég hætti að blogga síðast.................. Úff! Það var vegna þess að ég HAFÐI ALDREI TÍMA Í ÞETTA. Mín reynsla af blogginu er sú að ég eyði ómældum tíma fyrir framan tölvuna þegar ég er að standa í þessu. Finna eitthvað til að setja á síðuna, skoða aðrar bloggsíður, spjalla á msn-inu og bara hanga á netinu. En sennilega er þetta bara spurning um að vera ákveðinn við sjálfan sig og blogga bara og láta hitt eiga sig. Þannig að.....................ég ætla að reyna að vera rosalega ákveðin við sjálfa mig og skrifa bara þessa færslu hérna og hunskast svo til að fara að læra. He he, enskupróf á morgun og ég er ekki byrjuð að læra.
Annars er það að frétta af helginni að ég fór í dag og festi mér gleraugu til kaupa. Gerði mér ferð til Lindu systir, með umgjarðirnar sem ég fékk lánaðar í búðinni, til að fá hennar álit. Ég og Stebbi vorum síðan að fylla út umsóknina fyrir leiguíbúðum í Danmörku. Í gærkvöldi komu Biggi og Ingibjörg og Inga Dís og Pétur í heimsókn. Við sátum hérna í rólegheitum og drukkum bjór og rauðvín og borðuðum osta. Pétur og Inga Dís fóru snemma en við hin spiluðum Robo rally, og var þetta í fyrsta skipti sem ég vann ekki í þessu skemmtilega spili.
Já.....svo fengum við tilboð í íbúðina á föstudaginn, sem við tókum. En salan veltur reyndar á því hvort kaupendurnir fái greiðslumat fyrir þessu. Vonandi gengur það upp svo við getum farið að einbeita okkur að öllu sem varðar flutninginn út til Danmerkur.
Jæja, nú ætla ég að fara að læra svo ég fái ekki undir 10 í prófinu. HA HA HA.
En ég ætla að gera heiðarlega tilraun til að standa mig í blogginu í þetta skipti. Og ég mun smátt og smátt bæta nýju stöffi inn á síðuna.

Komið þið nú öll sömul sæl og blessuð aftur.

Jæja, þá er maður kominn í bloggið aftur.
Reyndar ætlaði ég ekki að byrja að blogga aftur fyrr en við flytjum til Danmerkur en ákvað að búa alla vega til síðuna því ég vildi ná síðu með nafninu mínu á. Reyndar var ekki laust bara Maríanna en Maríannath var laust, svo ég greip það.
Annars hef ég nú voða lítið að segja þessa dagana. Er bara á fullu í skólanum.
Jú, reyndar er nú ein stór frétt.................Ég er að fara að vinna hjá Vodafone. Þið sem að þekkið mig vitir auðvitað að ég er búin að vinna hjá Símanum í mörg ár. En Vodafone bauð mér betri vinnu á betri launum. Og auðvitað þáði ég það, sérstaklega þar sem að það er nú ekki um auðugan garð að gresja með hlutastarf hjá Símanum. Ég er sem sagt ekki nema í rúmlega hálfri vinnu út af skólanum.